طريقة عمل كحك العيد

طريقه عمل الكحك
المقادير
كيلو دقيق
3 كوب الا ربع سمنة من المج الزجاج اللى بودن
ملعقة صغيرة ريحت كعك
ملعقة صغيرة محلب مطحون من عند العطار بيدى طعم وريحة خطيرة
ملعقة كبيرة خميرة فورية
ربع ملعقة ملح
ملعقة سكر للخميرة
ربع كوب من المج الزجاج اللى عايرت بية السمنة زبادى
وتلات تربع حليب من نفس الكوب وممكن يزيد همسة
3 ملاعق سمسم
الطريقة
نقدح السمنة وتوضع على الدقيق ونقلب بملعقة خشب علشان سخنة جدا
بعد ما تبرد شوية نبس بالايد كويس جدا
يوضع باقى المقادير على العجينة ما عدا الحليب
نحط الحليب براحة واحدة واحدة ونعجن كويس لحد ما العجينة تظبط معاكى
وتترك تخمر ساعة على الاقل
وتقطع واللى يحب يحشبها ملبن او عجمية زى ما تحبو
وتانى دى مقادير للكعك الناعم
اللى عايزة خشن يلغى نصف كوب سمنة